BABIN RAFKANWA (WATO MANTUWA A CIKIN SALLAH) KAMAR YADDA YAZO A LITTAFIN AL-AKHDARY*
๐ Hukuncin Sujudan Rafkanwa a Sallah, Sunnah ce.
๐ *Qabli*:-- Idan mutum yayi ragi a Sallah, zai yi sujada guda biyu kafin yayi Sallama bayan ya kammala Tahiya, sai yayi sujadan, sannan ya sake maimaita tahiya, kafin sai yayi Sallama.
๐ *Ba'adi*:--- Idan mutum kuma yayi karin wani abu a cikin Sallah, shi yake saka yayi Sajada biyu, amma bayan yayi Sallama, san nan ya sake yin tahiya sai ya sake wata Sallamar.
*HUKUNCE-HUKUNCE QABLI DA BA'ADI*
1. Idan mutum yayi ragi kuma yayi kari lokaci daya, sai yayi Qabli (wato sujada kafin Sallama)
2. Wanda Kabli ya kamashi sai ya manta baiyi ba har yayi Sallama, in yana kusa sai yayi Ba'adi , in abun ya jima ko kuma ya yi nisa da wajen Sallahr sai ya duba, in abun da ya ragen yafi sunnoni uku ko sama da haka, Sallah ta ษaci, in kuma basu kai ba, sai yayi ba'a.
3. Wanda ya manta Ba'adi, duk lokacin da ya tuna zai yi koda takai shekara ne.
4. Wanda ya rage Farillah a Sallah, Sallahrsa ta baci, babu sujudan da zai gyarata, sai in ya biyata.
5. Duk wanda ya rage Mustahabbi, ba komai a kansa, Sallahrsa tayi.
6. Mutum ba zaiyi Qabli ba sai lokacin da ya rage Sunnoni har biyu ko sama da haka, amma banda Sunna ta bayyana karatu ko boye karatu, su kam suna saka yin sujada koda dayansu ne.
7. Wanda ya boye karatunsa a wajen da ake bayyanawa, zai yi Sujadan Qabli.
8. Wanda ya Bayyana karatunsa a wajen da ake boyewa zai yi Sujadan Ba'adi.
9. Wanda ya manta yayi magana a Sallah , zai yi Sujadan Ba'adi
10. Wanda ya manta yayi Sallama a raka'a ta biyu, a salla mai raka'a uku ko hudu, bayan ya ciko zai yi Sujadan Ba'adi
11. Wanda ya manta ya kara Raka'a daya ko biyu a Sallah, zai yi Sujadan Ba'adi
12. Wanda ya manta ya kara raka'o'i a Sallahrsa daidai da Raka'o'in Sallahr da yake yi, Sallah ta bace (Kamar a Sallahr Asuba ya kara Raka'a biyu, ko a Magrib ya kara Raka'a uku......)
13. Duk wanda yake kokonton Sallahr ta cika ko bata cika ba, ya kaddara kawai bata cika ba ne, sai ya tashi ya cikato, Sannan sai yayi sujadan Ba'adi
14. Duk wanda yayi Kokonto yayi Sallama ko bai yi ba, In yana kusa da wajen Sallahr, sai ya sake Sallama, kuma ba zaiyi komai na sujada ba. in kuma ya yi nisa ko abun ya jima, Sallahrsa ta baci sai ya saketa.
15. Duk wanda kuma dabi'arsa ce yana da yawan kokonto ko yaushe (wasi-wasi), ya dage ko yaushe yana kore kokonton, amma duk lokacin da hakan ya sameshi, zai dinga yin Sujadan Ba'adi ne, ko yayi ragi ko yayi kari, duk dai Ba'adi zai dinga yi.
16. Duk wanda ya manta ya bayyana Qunutu a Sallah, ba komai a kansa, amma ba'a son yana yin hakan musamman in da gangan ne.
17. Duk wanda ya manta a Raka'o'in da ake karanta zallahn fatiha sai ya karanta Surah, ba komai a kansa (babu Qabli babu Ba'adi)
18. Duk wanda ake Sallah sai yaji wani ya ambaci sunan Manzon Allah (SAW) sai shima ya karasa, ba komai a kansa, ko da kuwa da gangan yayi hakan, ko da mantuwa ko a zaune ko a tsaye a Sallah.
19. Duk wanda a Raka'a daya ya karanta surah daya ko biyu ko sama da haka, ko kuma yana cikin karanta wan nan surar ya fita yaje wata Surah, ko kuma yana cikin karanta wan nan surah bai gama ba sai yayi Ruku'u, duk babu komai a kansa (wato babu Kabli babu Ba'adi).
20. Duk wanda yake Sallah sai wani yazo yana neman wani abu, dan ya nuna masa da hanunsa ko da kansa ko da wani abu, ba komai a kansa (Babu Qabli babu Ba'adi)
[10/30, 4:19 PM] Admin Haruna: 21. Wanda ya manta ya maimaita karanta Suratul Fatiha, zai yi Sujadan Ba'adi, in kuma da gangan yayi, Sallahrsa ta baci.
22. Duk wanda ya manta bai karanta Surah ba, har kuma ya rusuna (tsuguna) ruku'u, kar ya ce zai dawo ya tsaya dan karantata, kuma babu Komai a kansa don sunnah ce guda daya
23. Duk wanda yake tsaye a Sallah bai tafi Ruku'u ba, ya manta wajen karatun Surah , inda ake bayyanawa sai ya boye ko wajen boyewa ya bayyana, amma bai tafi Ruku'u ba, sai ya maimaita daidai din, kuma babu Sujuda a kansa. In kuma hakan ya shafi karatun Fatiha, ita Fatiha zai maimaitata kuma tunda har da fatiha zai yi Ba'adi. in kuma baya tsaye kuma har ya tafi ruku'u , zai lura in ya bar bayyanawa ne sai yayi QABLI, in kuma ya bar Boyewa ne, sai Yayi Ba'adi. Maganar yin Qabli da Ba'adin nan ya shafi na surahr ce ita kadai ko ita fatihan ko dukansu, tunda ya riga ya tafi ruku'u.
24. Duk wanda yayi Dariya a Sallah koda Mantuwa ko da Gangan Sallahrsa ta baci. Dan babu mai dariya a Sallah sai wanda bai san ciwon kansa ba, rafkananne, shi da ake so ya tuna yana gaban Allah ne!!.
25. Wanda yayi Murmushi a Sallah babu komai a kansa.
26. Wanda yayi kuka a Sallah don Tsoron Allah ba komai a kansa, Ana fatan Allah ya gafarta masa ne.
27. Duk wanda yake Sallah sai yaji wani ko wasu suna surutu, sai ya dan saurara masu kaษan, ba komai a kansa.
28. Duk wanda ya manta zaiyi tahiyar farko sai ya yunkura zai tashi zuwa raka'a ta gaba, in har hannayensa da guiwowinsa basu rabu da kasa ba, ya dawo ya zauna , sai yayi tahiyarsa, kuma babu komai a kansa. Amma in har hannayen da guiwowin sun rabu da kasa, sai ya zarce da zallahrsa kafin yayi Sallama sai yayi Qabli. In Kuma bayan hannayensan da guiwowinsa sun rabu da kasa , sai duk da hakan ya dawo ya zauna, ko yayi da mantuwa ko yayi da gangan Sallahrsa tayi, amma anan zai yi Sujada ne bayan Sallama (BA'ADI).
29. Wanda ya manta sai ya hure abu yana cikin Sallah, zai yi sujadan Ba'adi, in kuma da Gangan ne, Sallahr ta baci sai ya saketa.
30. Duk wanda yayi Hattishawa a Sallah ba'a son ya ce Alhamdulillah, kuma ba zai amsa ma wanda ya jishi ya mayar masa ba, shi kuma in har ya ji wani ya yi Hattishawa ya ce Alhamdulillah, shi ba zai ce masa "yarhamakallah ba" da mai Sallah zai manta bayan yayi Hattishawar sai yace Alhamdulillah duk da hakan babu komai a kansa.
[10/30, 4:33 PM] Admin Haruna: 31. Duk wanda yayi Hamma a Sallah ba komai a kansa, sai dai ana son ya rufe bakina, kuma koda wani abu zai fito ta baki ko hanci kar ya tofar a kasa, sai dai ya zuba a aljuhunsa ko wani abu na tsumma ko abun share baki, wajen zubawar ma ya kiyaye fitan harafi daga bakinsa.
32. Duk wanda yana cikin Sallah sai ya dan tsaya tunanin ko jikinsa akwai najasa ko hadashi kamar kashi, ko fitsari ko wani abu, amma a karshe ya gane baiyi ko daya ba kuma komai nashi da tsarki. Babu komai a kansa don yayi wan nan 'yar tunani.
33. Duk wan ya waiwaya a Sallah bisa mantuwa babu komai a kansa, amma in ya yi da gangan ne hakan ya zama makaruhu (wato abun da ba'a so ya aikata) in kuma har waiwayen yakaishi ga kauce wa Gabas (Qibla) misalin har ya juya ma Gabas baya, Sallahrsa ta baci.
34. Duk wanda yayi Sallah da kayan da akwai Hariri ko Zinare ko yayi dan Satan kallo a Sallahrsa ko garin wani abu ya kalli haramun a Sallah, ya saษa wa Allah, Amma Sallahrsa ta inganta.
35. Duk wanda yana cikin Karatun Sallah sai ya gwamutsa da wata kalmar da bana QUR'AN ba, amma duk da hakan bata canza ma'anar ayar ba, ko kuma bata jirkiษa ma'anar ayar ba, babu komai a kansa, Amma in har ta bata ma'anar ko ta bata lafazin, zai yi Sujadan Ba'adi sabo da yayi karin wani abu a Sallah.
36. Duk wanda yana Sallah sai ฦan gyangyadi ya kamashi, babu komai a kansa, Amma in har barcin tayi nauyi, nan kam Sallahrsa ta baci har ma da Alolansa duk sun baci.
37. Idan mutum bai da Lafiya kuma a Sallah yana da nishin jinya, ba komai a kansa, ana fatan ma Allah ya gafarta masa.
38. Duk wanda ke Sallah sai tari ya dameshi ba komai a kansa, amma wanda ke tari don isar da sako ma wani ko wasu, ba'a son haka (Makruhu ne) duk da cewa hakan baya bata Sallah.
39. Duk wanda ke Sallah sai wani ya kwala masa Kira, sai ya manta yace Subhanallah! Shima babu komai a kansa.
40. Wanda ke Sallah sai ya tike a karatu kuma ya rasa wanda zai tayar dashi, sai ya bar ayar ya tafi aya ta gaba. in ita din ma ya kasa kawota, ya ci gaba da Sallahrsa babu komai a kansa, kar yace sai ya dauki QUR'AN. Amma in batan akan Fatiha ce nan dole in ta kama ya dauki QUR'AN ko wani abun da zai taimaka masa, babu komai a kansa. In har ya tsallake aya daya a cikin Fatiha zai yi Sujadan Qabli, in har yafi aya daya Sallahrsa ta baci.
41. Wanda yake Sallah sai wani a gefe ya bata a karatu sai kuma ya masa gyara, in har ba limaminsa bane Sallahrsa ta baci.
42. Mai bin liman Sallah ba zaiyi gyara ma Liman ba in ya bata a cikin Karatu, sai in Limamin yana neman a taimaka masa, ko ya ษata Ma'anar Ayar.
43. Wanda yake Sallah sai tuninsa ya dan karkata zuwa tunanin Duniya, Ya rage ladansa amma Sallahrsa tayi kuma babu komai a kansa.
44. Duk wanda yake Sallah wani yazo wucewa ta gabansa shi kuma ya tunkudeshi, ko kuma da yazo yin sujada sai ya sanya gefen Goshinsa, ko kuma ya janyo wutsiyar Rawaninsa yayi Sujada akai , duk wadan nan in yayi babu komai a kansa.
45. Duk wanda yake Sallah sai amai yazo masa ba shiri ko Magos ba komai a kansa.
46. Indan Mamu (Mai bin Liman Sallah) yayi Rafkanwa duk Limaminsa ya dauke masa, sai dai in ya samu matsalar akan Farillan Sallah ne.
47. Idan Mamu (Mai bin Liman Sallah) yayi Rafkanwa ko ya fara gyangyadi ko aka Matseshi har aka tsere masa a ruku'u, in har ba'a Raka'ar farko ba ne, in yana so zai iya yin ruku'unsa har yaje ya samu liman kafin ya taso daga Sujuda ta biyu, Idan kuma baya so, sai ya jingine Raka'ar yabi limaminsa, in liman Yayi Sallama sai ya cikato Raka'ar da ya bartan. (Babu sujada akansa)
48. Idan kuma mutum yayi Rafkanwa akan Sujuda ko ya fara gyangyadi ko kuma aka matseshi har limaminsa ya tashi ya fara wata Raka'a , in yana so sai yayi nashi sujudan yayi sauri ya samu liman kafin yayi Ruku'u, in kuma baya so, sai ya bari ya bi limaminsa, bayan anyi Sallama sai ya biya raka'ar da ya barta. Kuma lokacin biyan nan babu komai a kansa na Qabli ko Ba'adi, sai dai in a cikin biyan kuma an sake samun wata Rafkanwar daga bangarensa
49. Duk wanda yake Sallah sai Kunama tazo masa ko Maciji, sai ya kasheta, babu komai a kansa in har bai jima ba wajen kashewar ko kuma bai Juya baya ma gabas ba, in har ya jima ko ya juya bayan, sai ya yanke Sallahr.
50. Duk wanda yake kokonton yana kan Yin Wutiri ne ko kuma raka'a ta biyun Shafa'i! Sai ya kaddara ta biyun Shafa'i ce san nan in ya gama sai yayi Ba'adi, sannan kuma sai ya tashi ya kawo Wutririnsa.
[10/30, 4:54 PM] Admin Haruna: 51. Duk wanda ya manta yayi magana a tsakanin Shafa'i da Wutiri babu komai a kansa, in kuma da gangan ne, Makaruhi ne (wato ba'a son hakan) amma babu komai a kansa.
52. Wanda aka wuceshi a Sallah kuma bai samu ko raka'a daya ba, in har liman zaiyi Sajudan Qabli ko Ba'adi shi ba ruwansa, in kuma har yabi limamin to Sallahrsa ta baci sanadiyyar bin liman wajen Qabli ko Ba'adi, in kuma ya samu raka'a daya ko sama da haka, in limaminsa zai yi Qabli zai bishi, amma in Ba'adi ne sai ya gama cikato Sallahrsa kafin yayi Ba'adin. In kuma har yabi liman da mantuwa akayi Ba'adi alhali bai cikato ba, zai yi Ba'adi daga baya in kuma yayi hakan da gangan ne Sallahrsa ta baci
53. Idan mutum yabi liman Sallah amma bai samu duka ba, da ya tashi cikatowa sai aka samu rafkanwa, to anan kam in Qabli ne ko Ba'adi ta kamashi haka zai yi, duk abun da ya faru dashi kamar yana Sallah shi kadai ne, sai yayi kokarin gyarawa.
54. Idan mutum da yabi liman Sallah bai samu Sallah duka ba, sai abu biyu suka hadu masa, misalin limaminsa Ba'adi ya kamashi, shi kuma da ya tashi cikatowa shima sai Qabli ta kamashi, idan yayi Qablin ya wadatar ba sai yayi dayan ba.
55. Wanda ya manta baiyi Ruku'u ba sanda yana cikin Sujada kafin ya tuna, sai ya mike, kuma ana son ya dan maimaita karatu ko kadan ne, sannan yayi Ruku'un yayi sujadan, bayan ya kammala sai yayi sujadan Ba'adi.
56. Duk wanda ya manta sujada daya baiyi ba, sanda har ya mike sai ya dawo ya zauna ya yi ta, amma in har bayan sujadar da ya manta yayi tahiya, ba zai maimaita tahiyar ba. (Ya zama yayi kari a Sallah kenan)
57. Duk wanda ya manta sujada har biyu baiyi ba, nan danan ya fadi yayi sujadan, amma ba zai sake maimaita zaman da yayi ba, kuma zaiyi Sujadan Ba'adi.
58. 51. Duk wanda ya manta yayi magana a tsakanin Shafa'i da Wutiri babu komai a kansa, in kuma da gangan ne, Makaruhi ne (wato ba'a son hakan) amma babu komai a kansa.
52. Wanda aka wuceshi a Sallah kuma bai samu ko raka'a daya ba, in har liman zaiyi Sajudan Qabli ko Ba'adi shi ba ruwansa, in kuma har yabi limamin to Sallahrsa ta baci sanadiyyar bin liman wajen Qabli ko Ba'adi, in kuma ya samu raka'a daya ko sama da haka, in limaminsa zai yi Qabli zai bishi, amma in Ba'adi ne sai ya gama cikato Sallahrsa kafin yayi Ba'adi. In kuma har yabi liman da mantuwa akayi Ba'adi alhali bai cikato ba, zai yi Ba'adi daga baya in kuma yayi hakan da gangan ne Sallahrsa ta baci
53. Idan mutum yabi liman Sallah amma bai samu duka ba, da ya tashi cikatowa sai aka samu rafkanwa, to anan kam in Qabli ko Ba'adi ta kamashi haka zai yi, duk abun da ya faru dashi kamar yana Sallah shi kadai ne, sai yayi kokarin gyarawa.
54. Idan mutum da yabi liman Sallah bai samu Sallah duka ba, sai abu biyu suka hadu masa, limamin Ba'adi ya kamashi, shi kuma da ya tashi cikatowa shima sai Qabli ta kamashi, idan yayi Qablin ya wadatar ba sai yayi dayan ba.
55. Wanda ya manta baiyi Ruku'u ba sanda yana cikin Sujada ya tuna, sai ya mike, kuma ana son ya dan maimaita karatu ko kadan ne, sannan yayi Ruku'un yayi sujadan, bayan ya kammala sai yayi sujadan Ba'adi.
56. Duk wanda ya manta sujada daya baiyi ba, sanda har ya mike sai ya dawo ya zauna ya yi ta, amma in har bayanta sujadan da ya manta yayi tahiya, ba zai maimaita tahiyar ba. Sannan zai yi Sujadan Ba'adi.
57. Duk wanda ya manta sujada har biyu baiyi ba, nan danan ya fadi yayi sujadan, amma ba zai sake maimaita zaman da yayi ba, kuma zaiyi Sujadan Ba'adi.
58. Wanda ya tuna baiyi Sujada ba cikin Raka'o'in farko abun ya faru, kuma har ya dago kansa daga raka'a ta gaba, sai ya ci gaba da Sallahrsa ba zai dawo da baya ba, tunda ya kulla wata raka'a, sai ya jefar da wancan Raka'ar da aka samu matsalar, sannan ya biya raka'ar. Sai kuma yayi Sujadan Qabli, in kuma ba'a cikin raka'ar biyun farko ba ne, kai koma a cikinsu ne amma muddin in bai kulla raka'a ta uku ba, bayan ya biya zai yi Ba'adi ne.
59. Duk wanda yayi Sallama a zatonsa Sallarsa ta cika ne, to Sallahrsa ta baci.
60. In mutum yazo biyan Sallahr da ta wuce masa, in har Qabli ko Ba'adi ya kamashi da sauran abubuwa duk babu banbanci da Sallahr da yanzu yake yi.
61. In mutum yayi Rafkanwa a Nafila daidai yake dana Farillah, sai dai sun sha banban akan abubuwa guda hudu:- i) *Akan Fatiha* in mutum ya manta fatiha a Nafila zai ci gaba da Sallahrsa ne sai ya gama yayi Qabli amma in a Farillah ne zai jefar da Raka'ar ce ya cikato Sallahrsa sannan ya aikata abun da aka fada a sama kan wanda ya bar Sujuda a Sallahrsa. ii), iii) & iv) *Akan karatun Surah* ko *Bayyana karatu* ko *Boye karatu* wanda ya mantasu a cikin Nafila bayan yayi Ruku'u, zai ci gaba da Sallahrsa ne kuma babu komai a kansa, Sabanin na Farillah. Idan mutum ya tashi ya fara raka'a ta uku baiyi Tahiya ba a cikin Nafila, in har baiyi Ruku'u ba saiya dawo yayi sannan kuma a karshe yayi sujadan Ba'adi. In kuma har ya kulla raka'a ta ukun sai ya ci gaba da Sallahrsa sannan ya kara Raka'a ta hudu, sai yayi Sujadan Qabli, Sabanin na Farillah zai dawo ne yayi sai kuma yayi Sujadan Ba'adi.
62. Duk wanda ya manta wani Rukuni a Nafila (Kamar Ruku'u ko Sujada ko wani gaษar Sallah) bai tuna ba har yayi Sallama kuma abun ya dau lokaci, ba zai sake Sallahr ba, Sabanin na Farillah dole sai sai ya sake muddin ya tuno komai jimawa.
63. Duk wanda ya yanke Nafila da gangan ko ya bar Raka'a da Gangan ko ya bar Sujuda da gangan, Zai maimaita wan nan Nafilar komai jimawa.
64. Duk wanda yayi gyaran murya a Sallah ba komai a kansa, sai dai in ya furta wani harafi, anan kam yayi kari a Sallahrsa. (In ya furta harafi)
65. Idan Liman Yayi Mantuwa ya kara wani abu ko ya rage, Mamu (Masu bin liman) zasu ce masa *Subhanallah* in mata ne sai suyi Tafi da hanunsu
66. Idan liman ya mike daga Raka'a ta biyu baiyi zama ba, sai ku ce masa *Subhanallah* in har ya gama tsayuwa (Hannayensa da guiwowinsa sun rabu da kasa) kuma, sai ku bishi.
67. Idan Liman ya manta ya zauna zaiyi Tahiya a Raka'a ta farko ko a ta uku, kuma masu binsa ba zaku zauna tare dashi ba, sai ku mike. Idan a wata Sallah liman yayi Sujada daya ya bar ta biyu sai ku ce masa *Subhanallah* in bai dawo yayi ba kuma kuka ga zai shiga wata raka'a sai ku mike ku bishi, amma ba zaku yi tahiya tare dashi ba ta farko ko ta biyu, kuna tsaye , in yayi Sallama sai ku cikato Raka'ar da kuka watsar sannan kuyi Sujadan Qabli. In kuna da yawa a Masallacin wajen ciko Raka'ar sai ku tura wani liman ya wuce gaba ya ciko maku Sallahrku hakan aka fi so.
68. Idan Liman ya kara Sujada , a maimakon yayi biyu sai yayi uku, kai mai binsa ba zaka yi sujadan tare dashi ba.
69. Idan ana Sallah sai liman Ya kara Raka'a (misali a Sallahr Azahar sai yayi raka'a biyar) to duk wanda Yake ganin kirgen daidai ne ko yake kokonto zai bishi. Amma duk wanda yana da Tabbacin anyi kari ne ba zai bishi ba, sai ya zauna har su gama. Amma in mai kokonto bai bishi ba Sallahrsa ta baci, haka shima mai tabbacin ta cika in ya bishi Sallahrsa ta baci.
70. Idan Liman yayi Sallama kafin Sallah ta cika, na bayansa zasu ce masa *Subhanallah* in ya gaskata abun da suka faษa sai ya cika Sallahrsa sannan yayi Sujadan Ba'adi. Idan kuma yana kokonto akan wadanda suka ce Subhanallah, sai ya juyo ya tambayi adalai ko masu kima daga ciki don ya samu tabbacin hakan. Anan ya Halatta suyi Magana a Sallahr. In kuma ya aminta da kansa cewa yayi daidai, ya ci gaba da Sallahrsa ba sai ya juyo ya tambayi kowa ba, sai dai in har wadanda ke masallaci da yawa sun ce Subhanallah, sai ya bar tashi fahimtar yabi nasu.
Allah ya bamu Nasara, ga mai bukatar Wanan Rubutu ko waninsa, ya bibiyemu a shafimmu kamar haka
Website:-
www.hdindima.blogspot.com
Or
https://hdindima.blogspot.com/2024/10/rafkanwa-sallah-part-01.html?m=1
